Imithetho Yezithuthuthu

Hlala Emzileni Wakho: Gcina Ibanga Lakho

Imizila yethrafikhi:
• Hlala emzileni oshayela kuwo.
• Ungawelawele njalo usuka komunye umzila uye komunye.
• Shintsha imizila kuphela uma kuphephile ukukwenza.
• Hlala ubonisa ukuthi uhlose ukushintsha umzila ngaphambi kokuba usuke uye komunye umzila.

Imigwaqo ephindwe kabili:
• Umgwaqo ophindwe kabili yilowo ohlukaniswe waba yimizila engaphezu kowodwa ngothango, ngendawo evulekile noma ngomhume ohlukanisayo.
• Hlala ushayela emzileni wesokunxele.
• Ungawuweli umhume ohlukanisayo noma indawo evulekile.

Isithuthuthu sishayela emgwaqweni ophindwe kabili Umgwaqo ophindwe kabili ohlukaniswe ngomhume ohlukanisayo

Ibanga lokulandela:
• Kumele ugcine ibanga eliphephile ngemuva kwemoto ephambi kwakho.
• Leli banga kumele libe likhulu ngokwanele ukuze ukwazi ukumisa isithuthuthu sakho ngokuphelele uma imoto ephambi kwakho ima ngokuphuthuma.
• Ibanga eliphephile lizoncika esivinini ohamba ngaso.
• Ngaso sonke isikhathi hamba okungenani ngemizuzwana emibili ngemuva kwemoto ephambi kwakho, noma ugcine ibanga lezimoto ezintathu ngemuva kwemoto ephambi kwakho.

Umthetho webanga lokulandela lemizuzwana emibili wezithuthuthu